“iPhone”u oğurlayan oğru peşman oldu

Hadisə, San Fransiskoda kompüter proqramı şirkətlərindən biri yeni hazırladığı proqramı test edərkən baş verib. Məlumata görə, şirkət rəsmisi Devid Han yeni “təqib” proqramını müştəriyə göstərmək məqsədilə əməkdaşlardan birini əlində “iPhone” cihazı ilə küçəyə yollayıb. Han və müştəri cihazın harda olduğunu göstərən proqrama baxarkən qəfildən hərəkətin sürətləndiyini görüblər. Buna səbəb isə cihazın velosipedli oğru tərəfindən qaçırılması olub. Oğru yeni proqram sayəsində polis tərəfindən ələ keçirilib. Şirkət rəsmiləri isə hadisənin təsadüfən baş verdiyini bildirib.