Mozilla brauzeri Google-la əməkdaşlıqdan imtina etdi

20-11-2014 / 10:58

Məşhur Mozilla Firefox brauzeri  Google axtarış sistemini Yahoo  ilə  əvəzləyib.  Məlumat Yahoo-nun rəsmi bloqunda yayımlanıb.      

Xeberler.az  bildirir ki, son 10 il Google Mozilla-ya “default”, yəni “susmaya görə” axtarış sistemi olmaq üçün ildə 100 milyon dollar ödəyirdi. Qeyri-kommersiya təşkilati olan Mozilla gəlirinin 85 faizini elə Google-dan əldə edirdi.

Yahoo-nun baş direktoru Marissa Mayer Mozilla ilə 5 illik müqavilənin bağlandığını təsdiqləyib: “Yahoo bütün kompüter və mobil qurğularda Mozilla brauzerinin “default” axtarış sistemi olacaq”.

Müqavilə 2015-ci ildən qüvvəyə minəcək.

Statcounter analitik xidmətinin məlumatına əsasən, dünya bazarına  48 faiz göstərici ilə Google Chrome brauzeri liderlik edir. 2-ci yerdə Internet Explorer, 3-cü yerdə isə 16,8 faiz nəticə ilə Mozilla Firefox qərarlaşıb. Axtarışların 90 faizini  reallaşdıran Google axtarış sistemləri arasında qlobal liderliyi saxlayır. Yahoo-nun payına sorğuların cəmi  3,8 faizi düşür. 

Mənbə: lenta.ru

ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə