Əli Abbasov: "Azərbaycanda savadlı kadrlara tələbat olmalıdır"

19-12-2014 / 16:18

"Azərbaycan iqtisadiyyatının rəqabət qabiliyyətliyinə görə dünyada 38-ci yeri tutması faktı ölkəmizin əldə etdiyi nailiyyətlərə misal ola bilər".

Xeberler.az Report-a istinadən xəbər verir ki, dekabrın 19-da Bakıda keçirilən Alimlərin I Qurultayında çıxış edən rabitə və yüksək texnologiyalar naziri Əli Abbasov belə deyib.

Onun sözlərinə görə, ölkədə texnoloji inkişaf istiqamətində bir çox işlər görülüb: "Azərbaycanda savadlı kadrların olması ilə yanaşı onlara tələbat da olmalıdır. Bunun üçün sənayemiz inkişaf etdirilməlidir. Təsəvvür edin, əgər iqtisadiyyatda kadrlara ehtiyac yoxdursa, o zaman elmin inkişafına da zəmin olmayacaq".

Əli Abbasov dünyada yüksək texnologiyalarla bağlı təcrübə olduqca genişləndiyini də qeyd edib: "Məsələn, Fransada yüksək texnologiyaya xərclənən hər 1 dollara 0,4 dollar vergidən azadolma güzəşti tətbiq edilir. Bu proses Azərbaycanda da tətbiq edilir - bizdə bu güzəşt 0,2 dollardır. Azərbaycan hazırda əhalinin sayına görə dünyada 90-cı yerdədir, amma ÜDM-in həcminə görə təxminən 60-ci yerdəyik. Bu, çox böyük uğurdur".

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə