"Cənub" TV yeni layihələr üzərində işləyir

11-01-2011 / 03:08

Azərbaycanın üçdə bir hissəsində yayımlanan və cənub bölgəsinin yeganə televiziya kanalı olan "Cənub" televiziyasının (CTV) 3 yaşı tamam olub. Trend-in məlumatına görə, bu münasibətlə Lənkəranda keçirilən geniş tədbirdə CTV və Regional Televiziya şirkətinin baş direktoru Rüstəm Əliyev şirkətin fəaliyyəti haqqında məlumat verib. O qeyd edib ki, 2007-ci il dekabrın 31-dən yayımlanan CTV tez bir zamanda Azərbaycan və dünya həqiqətlərini əhaliyə çatdırmaq, bölgələrdə yaşayan vətəndaşların sosial problemlərini işiqlandırmaq və canlı verilişlər hazırlamaqla böyük tamaşaçı ordusu toplaya bilib. Daha sonra o, CTV kollektivinə fəaliyyətində böyük uğurlar arzulayıb.

Fəaliyyətinin ilk günlərindən uzun illər televiziya təcrübəsi olan peşəkarlarla yanaşı, CTV-yə istedadlı gənclərin cəlb olunduğunu deyən CTV-nin icraçı direktoru Eltən Qədimbəyli əlavə edib ki, burada özünəməxsus televiziya məktəbi yaranıb.

"Əldə olunan nailiyyətlərlə kifayətlənməyəcəyik və yeni-yeni layihələr üzərində işləyirik. Yaxın vaxtlarda tamaşaçıların görüşünə daha bir neçə maraqlı proqramla gələcəyik. 22 veriliş istehsal edən CTV Regional Televiziyanın digər kanalları ilə də layihə mübadiləsi həyata keçirir", - Qədimbəyli qeyd edib.

Tədbirdə CTV-nin üçillik fəaliyyətindən bəhs edən videofilm nümayiş olunub.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə