Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

“İctimai informasiya Mərkəzləri infrastrukturunun yaradılması: problemlər və perspektivlər” mövzusunda Dəyirmi Masa keçirilib

15.12.2008 [18:09]

Fontu böyüt:

Bu gün Multimedia İnformasiya Sistemləri və Texnologiyaları Mərkəzi tərəfindən Azərbaycan Media Mərkəzində “İctimai informasiya Mərkəzləri infrastrukturunun yaradılması: problemlər və perspektivlər” mövzusunda Dəyirmi Masa keçirilib.

Dəyirmi Masada Multimedia Mərkəzinin direktoru, layihənin rəhbəri Osman Gündüz “Dövlət qurumları tərəfindən elektron formada təqdim olunan xidmətlərin monitorinqinin nəticələri” mövzusunda və İREX -Media qurumunun nümayəndəsi , Layihənin eksperti Ələsgər Məmmədlinin “İctimai İnformasiya mərkəzləri İnfrastrukturunun yaradılması ilə bağlı təkliflər” mövzusunda təqdimatları olub.

Dövlət qurumlarının, özəl və ictimai sektorun təmsilçilərinin, beynəlxalq təşkilatların nümayəndələrinin iştirak etdiyi Dəyirmi Masada informasiya azadlığının gerçəkləşməsi üçün qanunvericilikdə yaradılması nəzərdə tutulan İctimai informasiya Mərkəzlərinin formalaşması sahəsində mövcud vəziyyət və problemlər ətrafında müzakirələr aparılıb.

Müzakirələrdə İctimai Təşəbbüslərə Yardım Mərkəzinin rəhbəri Azər Mehdiyev, ”İnam” Plüralizm Mərkəzinin rəhbəri Vahid Qazi, Ombudsman Aparatının nümayəndəsi Tağıyev Nəcəf, Turan İnformasiya Agentliyinin direktoru Mehman Əliyev, BDU-nun jurnalistika fakültəsinin kafedra müdiri Cahangir Məmmədli, YYSQ-nin sədri Aydınxan Əbilov, Xəzər TV-nin nümayəndəsi Qulu Məhərrəmli, USAİD –in nümayəndəsi Ülvi İsmayıl və digər nümayəndələr çıxış ediblər. Müzakirələr zamanı ölkədə informasiya azadlığının gerçəkləşməsi istiqamətində qanunvericilikdə nəzərdə tutulan addımların bir qismi reallaşsa da, əslində bu sahədə xeyli problemlərin olması qeyd olunub.

Xüsusilə, İnformasiya müvəkkili İnstitutunun yaradılmaması, dövlət qurumlarının informasiya resurslarının qanunvericiliyin tələblərinə cavab verməməsi, hökumət tərəfindən elektron xidmətlərin yaradılması ilə bağlı sahəyə diqqətin yetərli olmaması, vətəndaşların informasiya tələbatının olmaması haqqında fikirlər irəli sürülüb.

Tədbir Qeyri-Hökumət Təşkilatlarına Dövlət Dəstəyi Şurası tərəfindən dəstəklənən “İnformasiya azadlığının inkişafı üçün çevik və effektiv mexanizmlərin yaradılması” Layihəsi çərçivəsində keçirilib.

Daha geniş məlumat www.informasiya.org saytında yerləşdirilib.

xeberler.az /Nigar İmanlı

Oxunub: 1 dəfə