İNFORMASİYA VƏ KOMMUNİKASİYA TEXNOLOGİYALARI PORTALI
Bəzi xəbərlər:

SORĞU

Cari ildə İT sahəsində baş verən aşağıdakı hadısələrin hansını daha yaddaqalan və əhəmiyyətli hesab edirsiniz ?
  • "Milli Nüvə Tədqiqatları Mərkəzi"nin yaradılması
  • “Bakutel- 2014” Yubiley sərgisi.
  • “Azersky” peykinin Azərbaycan tərəfinə verilməsi
  • İnformasiya cəmiyyətinin inkişafına dair 2014-2020-ci illər üçün Milli Strategiyanın təsdiq edilməsi
  • Azərbaycanın Beynəlxalq Telekommunikasiya İttifaqı Şurasına üzv seçilməsi
  • “Startup Azərbaycan 2014” və “Startup Günləri” tədbirləri
  • Azərbaycanda yeni nəsil şəxsiyyət vəsiqəsinin tətbiqinə başlanılması
  • Dövlət qurumalrı tərəfidnən göstərilən bütün xidmətlərin Elektron reyestrinin yaradılması
Bütün sorğular

Yazara məktub göndər

Məqalələrinin sayı:

Hökumət facebook-dan nə istəyir?

08.05.2013 [12:11]

Fontu böyüt:      

May ayının 4-də ölkənin iki mobil operatoru - “Bakcell” və “Azercell” facebook dan pulsuz istifadə imkanı verən xidmətlərini dayandırıblar. Səhər saatlarında hər iki mobil operatorun abonentlərinin telefon aparatına aşağıdakı məzmunda mesaj göndərilib:
Hökumət facebook-dan nə istəyir?

Osman Gündüz: “Burada qeyri-iqtisadi faktorlar rol oynayır”
Mehman Əliyev: “Bu ölkədə hətta sosial şəbəkəyə də qadağa qoyula bilər”
80 dəfə baxılıb

May ayının 4-də ölkənin iki mobil operatoru - “Bakcell” və “Azercell” facebook dan pulsuz istifadə imkanı verən xidmətlərini dayandırıblar. Səhər saatlarında hər iki mobil operatorun abonentlərinin telefon aparatına aşağıdakı məzmunda mesaj göndərilib: “Hörmətli abunəçi ”0 facebook" xidməti bu gündən etibarən texniki səbəblərə görə müvəqqəti olaraq dayandırılacaqdır. Açıldığı vaxt sizə məlumat veriləcək".

Göründüyü kimi, hər iki şirkət bunu texniki problemlərlə əlaqələndirir. Ancaq şirkətləri bu addımı eyni vaxtda, sözləşiblərmiş kimi atması şübhələrə yol açır və ortaya çıxarır ki, bu xidmətin dayandırılması “texniki səbəblərə görə” deyil. Hər kəsin ağlına gələn ilk fikir məsələnin arxasında siyasi məqsədlərin durmasıdır. Çünki hökumət nümayəndələri son dövrlər sosial şəbəkələrin məhdudlaşdırılması ilə bağlı açıqlamalarla çıxış edirlər. Müzakirələrin getdiyi bir vaxtda hər iki şirkətin abunəçilərinə pulsuz facebook xidməti göstərməkdən imtina etməsi “anlaşılandır”.
Maraqlıdır, bu, istehlakçı hüquqlarının pozulması kimi dəyərləndirilə bilərmi? Azad sözə basqı daha hansı formada davam edə bilər?

Multimedia Mərkəzinin rəhbəri Osman Gündüz hesab edir ki, buna istehlakçı hüquqlarının pozulması kimi yanaşmaq doğru deyil. Onun fikrincə, bir kommersiya qurumunun hansısa pulsuz xidmət göstərməsi, daha sonra onu ödənişli etməsi mümkündür: “Hesab edək ki, müəyyən xərclər ola bilər və həmin xidmətləri sonradan pulluya çeviriblər. Amma hər iki şirkətin bunu eyni vaxtda etməsi son dövrlərdəki facebook müzakirələri fonunda çox düşündürücüdür. Məntiqlə belə olmamalı idi. Digər bir tərəfdən, bu yaxınlarda mobil operatorların nömrə daşınması olmalıdır. Yəni abonent mobil operatoru dəyişəndə nömrəsini dəyişməyəcək. Bu fondan yanaşanda mobil operatorları ciddi rəqabət gözləyir. Odur ki, onların hazırda bu cür xidmətləri ləğv etmələri məntiqli deyil. Əksinə, əlavə, ucuz və pulsuz bəzi xidmətlər verməliydilər ki, müştərini özlərində saxlasınlar".

O.Gündüz hesab edir ki, bu qərarın verilməsində qeyri-iqtisadi faktorlar rol oynayır. Onun sözlərinə görə, nömrə dəyişmə mərhələsinə çatanda abonent daha ucuz, daha çox xidmət göstərən, yüksək keyfiyyəti olan operatora müraciət edəcək: “Türkiyədə bu proses başlananda bir operatordan cəmi bir gün ərzində 40 min adam çıxmışdı. Demək ki, operatorlar əvvəldən buna hazırlaşırlar, xidmətlər əlavə edilir. Azərbaycanda isə bunun əksi baş verir”.

“Turan” İnformasiya Agentliyinin direktoru Mehman Əliyev bildirdi ki, Azərbaycan hakimiyyəti qeyri-analoji hakimiyyət olduğu üçün onun hətta ölkədə sosial şəbəkələrə qadağa qoyması da mümkündür. Müsahibimizin sözlərinə görə, iqtidar hər şeyə gedə bilər: “Bunlar əsəbi, impulsiv qərarlar və təkliflərdir. Amma digər tərəfdən, hakimiyyət internetə xeyli vəsait buraxır - qondarma saytlar, facebook-da iqtidara dəstək qrupları yaradır. Proses isə onu göstərir ki, heç nə alınmır. Hər şey iflasa uğrayır. İnformasiya və polemika sahəsində aparılan iş uğursuzdur. Bunu boyunlarına götürüblər, amma öhdəsindən gələ bilmirlər".

M.Əliyev hakimiyyətin sosial şəbəkələri bağlamaq xəttini tutacağını istisna etməsə də, bunun effektinə inanmır: “Proseslər göstərir ki, bunu etsələr də, heç nə fayda verməyəcək. Əksinə, alternativ fikrə və sözə dözümsüzlüklərini bir daha sübut edəcəklər”.(musavat.com)

Sevinc TELMANQIZI
Oxunub: 1 dəfə

Fikirlər

Heç bir şərh yoxdur
serh yaz

Yazarlar

Fərrux İlhamoğlu

Bizi idarə edən güc: Netokratiya

Bizi idarə edən güc: Netokratiya
Sevil Rəsulzadə

Tor: şəbəkənin nəzarətindən azad olmaq imkanı

Tor: şəbəkənin nəzarətindən azad olmaq imkanı
Günel Azadə

4G mobil texnologiyası niyə ləngiyir?

4G mobil texnologiyası niyə ləngiyir?
Kamran Ədalətoğlu

Rəqəmli yayım: mərkəzdən kənarda yaşayanlar nə etsin?

Rəqəmli yayım: mərkəzdən kənarda yaşayanlar nə etsin?
İsmayıl Rafiqoğlu

Elektron Hökumət: çətinmi, ASAN-mı?

Elektron Hökumət: çətinmi, ASAN-mı?
Bütün yazarlar