İNFORMASİYA VƏ KOMMUNİKASİYA TEXNOLOGİYALARI PORTALI
Bəzi xəbərlər:

SORĞU

Cari ildə İT sahəsində baş verən aşağıdakı hadısələrin hansını daha yaddaqalan və əhəmiyyətli hesab edirsiniz ?
  • "Milli Nüvə Tədqiqatları Mərkəzi"nin yaradılması
  • “Bakutel- 2014” Yubiley sərgisi.
  • “Azersky” peykinin Azərbaycan tərəfinə verilməsi
  • İnformasiya cəmiyyətinin inkişafına dair 2014-2020-ci illər üçün Milli Strategiyanın təsdiq edilməsi
  • Azərbaycanın Beynəlxalq Telekommunikasiya İttifaqı Şurasına üzv seçilməsi
  • “Startup Azərbaycan 2014” və “Startup Günləri” tədbirləri
  • Azərbaycanda yeni nəsil şəxsiyyət vəsiqəsinin tətbiqinə başlanılması
  • Dövlət qurumalrı tərəfidnən göstərilən bütün xidmətlərin Elektron reyestrinin yaradılması
Bütün sorğular

Yazara məktub göndər

Məqalələrinin sayı:

Facebook Twitter-i niyə yeyir?

28.11.2014 [11:24]

Fontu böyüt:      

Niyə Azərbaycanda Facebook başqa şəbəkələrdən bu qədər populyardır?

Son bir ildə Azərbaycanda Facebook sosial şəbəkəsinin istifadəçiləri artsa da, Twitter şəbəkəsinin istifadəçiləri azalıb. “Global Stats” statistika mərkəzinin hesabatına görə, Azərbaycanda Facebook-un payı 23,3 faiz çoxalıb və sosial media bazarının 89,73 faizini təşkil edib. Twitter-in bazar payı isə ötən illə müqayisədə azalaraq 2,24 faiz olub.

Niyə Azərbaycanda Facebook başqa şəbəkələrdən bu qədər populyardır? Azərbaycanda Twitter-ə marağın zəif olması nə ilə bağlıdır? Bu gedişatla ölkəmizdə Twitter-i hansı perspektivin gözlədiyini düşünmək olar? “Media forum” saytı bu suallarla Azərbaycan İnternet Forumunun prezidenti Osman Gündüzə və Xeberler.az saytının baş redaktoru İsmayıl Rafiqoğluya müraciət edib.

Osman Gündüz bildirib ki, Azərbaycanda milyon yarımdan çox Facebook istifadəçisi, 200 mindən artıq isə Twitter istifadəçisi var: Facebook daha çox xidmət göstərmək imkanına malikdir. Paylaşma, müzakirə, xəbərdarlıq kimi çoxsaylı imkanları, bundan başqa, mağaza açmaq, reklam vermək kimi üstünlükləri var. Bu da xeyli təbəqəni qane edir.

Facebook şəbəkəsində müxtəlif insan qrupları toplaşıb. Belə bir məkan da həmişə cəlbedici olur, adamlar sosial münasibət qurmaq üçün ora axışırlar. Çox olmaq onun çoxalmağına daha da təkan verir. Azərbaycanda bəzən yerli sosial şəbəkə yaratmağa cəhdlər olur, anacaq alınmır. Çünki onlar adam yığa bilmir və adam olmayan yerə də adamlar getmir.

Twitter-də qısa xəbərləşmələr həyata keçirilir. Qısa xəbər öz növbəsində onun sürətli yayılmasına kömək edir. Twitter-ə çıxan xəbər bir anda çox böyük radiusda yayıla bilir. İstifadəsi daha rahatdır. Bir anda yazmaq mümkündür. Çeviklik və sürətlilik baxımından imkanı daha genişdir.

Lakin Facebook-da istifadəçilərin sayının Twitter-dəkindən çox olması sosial münasibət qurmaq meylinin xalis xəbərləşmə meylindən yüksək olması deməkdir”.

İsmayıl Rafiqoğlu hesab edir ki, Facebook-un populyarlığının sirri bu şəbəkənin sadəliyindədir: “Dünyada yüzlərlə şəbəkə var, amma Facebook onların hamısını üstələyib. Şəbəkə kütləvi auditoriyaya hesablanıb deyə burada adi istifadəçiyə lazım olan bütün imkanlar var. Qonşu Türkiyədə Facebook-dan daha çox yeniyetmələr yararlanır. Yalnız ciddi  iş adamları Twitter-ə üz tutur”.

İsmayıl Rafiqoğlu özü onlarla şəbəkənin üzvü olsa da, əsasən Facebook və “Odnoklassniki”dən yararlandığını söyləyib: Twitter-in mahiyyəti mənə hələ də qaranlıq qalır. Bütün xəbərlər, dostlar, həmkarlar, iş prosesində əlaqə qurduğum ekspertlər Facebook-dadır. Nə istəsən bu şəbəkədə var. Azərbaycan bazarında Twitter-in şansı azdır. Hətta “Linkedin” kimi nüfuzlu peşəkar kommunikasiya Twitter-dən maraqlı görünür. Amma Facebook üçün təhlükə də az deyil. Son ayların araşdırma və anket sorğuları gənc nəslin Facebook sosial şəbəkəsinə marağının xeyli azaldığını aşkarlayıb. Prinston Universitetində aparılan tədqiqatlar isə 2016-cı ildən Facebook-un süquta uğramağa başlayacağını, 2017-ci ildə istifadəçilərinin 80 faizini itirəcəyini, 2020-ci ildə tam süquta uğrayacağını proqnozlaşdırıb”.


Oxunub: 1 dəfə

Fikirlər

Heç bir şərh yoxdur
serh yaz

Yazarlar

Fərrux İlhamoğlu

Bizi idarə edən güc: Netokratiya

Bizi idarə edən güc: Netokratiya
Sevil Rəsulzadə

Tor: şəbəkənin nəzarətindən azad olmaq imkanı

Tor: şəbəkənin nəzarətindən azad olmaq imkanı
Günel Azadə

4G mobil texnologiyası niyə ləngiyir?

4G mobil texnologiyası niyə ləngiyir?
Kamran Ədalətoğlu

Rəqəmli yayım: mərkəzdən kənarda yaşayanlar nə etsin?

Rəqəmli yayım: mərkəzdən kənarda yaşayanlar nə etsin?
İsmayıl Rafiqoğlu

Elektron Hökumət: çətinmi, ASAN-mı?

Elektron Hökumət: çətinmi, ASAN-mı?
Bütün yazarlar