İNFORMASİYA VƏ KOMMUNİKASİYA TEXNOLOGİYALARI PORTALI
Bəzi xəbərlər:

SORĞU

Cari ildə İT sahəsində baş verən aşağıdakı hadısələrin hansını daha yaddaqalan və əhəmiyyətli hesab edirsiniz ?
  • "Milli Nüvə Tədqiqatları Mərkəzi"nin yaradılması
  • “Bakutel- 2014” Yubiley sərgisi.
  • “Azersky” peykinin Azərbaycan tərəfinə verilməsi
  • İnformasiya cəmiyyətinin inkişafına dair 2014-2020-ci illər üçün Milli Strategiyanın təsdiq edilməsi
  • Azərbaycanın Beynəlxalq Telekommunikasiya İttifaqı Şurasına üzv seçilməsi
  • “Startup Azərbaycan 2014” və “Startup Günləri” tədbirləri
  • Azərbaycanda yeni nəsil şəxsiyyət vəsiqəsinin tətbiqinə başlanılması
  • Dövlət qurumalrı tərəfidnən göstərilən bütün xidmətlərin Elektron reyestrinin yaradılması
Bütün sorğular

Yazara məktub göndər

Məqalələrinin sayı:

Gənc bloggerlərin həbsinə beynəlxalq etirazlar davam edir

13.11.2009 [18:22]

Fontu böyüt:      


Human Rights Watch iki gənc fəal bloger barəsindəki məhkumolunma cəzasının Azərbaycanda söz azadlığında geriyə addım olduğunu bildirib.

“Azərbaycan rəsmilərinin tənqidi və satirik şərhlərinə görə jurnalistləri cəzalandırmaq üçün onlara qarşı bir-birinin ardınca düzdüyü ittihamların uzunmüddətli modeli var. Emin və Adnan bu modelə tamamilə uyğun gəliblər" – deyə Human Rights Watch- təşkilatının Cənubi Qafqaz üzrə təhqiqatçısı Giorgi Gogia söyləyib. "Emin və Adnanın həbsi bloqerlərə və Azərbaycanda hər hansı kəskin hökumət tənqidçisinə soyuq bir mesajdır" deyən Gogia bildirib ki, bu, hökumətin söz azadlığı istiqamətində olan düşmənçiliyinin böyüdüyünü əks etdirir.

“Sərhədsiz Reportyorlar” təşkilatının bəyanatında bildirilir:

“Bu məhkəmə başdan sona qədər saxta idi və biabırçı və ədalətsiz hökmlərlə də nəticələndi. İnsan hüquqları üzrə Avropa Konvensiyasını imzalamış bir ölkə necə cəsarət edib müdafiə hüquqlarını və söz azadlığını belə düşünülmüş şəkildə poza bilir? Məhkəmə birmənalı şəkildə hakimiyyəti tənqid etməyə cəsarəti çatmış iki blogerə nəzarət etməyə və cəzalandırmağa yönləndirilmişdir.”

Bəyanatda həmçinin bildirilir ki, Azərbaycan hakimiyyəti açıq şəkildə İnternetin növbəti ildəki parlament seçkilərində güclü bir müxalifət vasitəsi olmasının qarşısını almağa çalışır. “Bloqlar və sosial şəbəkə internet səhifələri gənc Azərbaycanlıların çox məşhur olmasına gətirib çıxarır”.

Sərhədsiz Reportyorların 2009-cu il mətbuat azadlığı göstəricisinə (indeksinə) görə 175 ölkə arasında 146-cı olan Azərbaycanda hal hazırda üç jurnalist siyasi səbəblərdən həbsdədir.

Avropa İttifaqının sədrliyi Emin Mİlli və Adnan Hacızadəyə qarşı oxunan hökmlə bağlı təssüflə bildirib ki, məhkəmənin qərarı Azərbaycanda ifadə azadlığına xələl gətirə bilər. Sədrlik xatırladır ki, Azərbaycan  ATƏT-ə və Avropa Şurasına daxil olarkən və həmçinin Avropa İttifaqı ilə öz əlaqələri çərçivəsində demokratik prinsiplərə, yaxşı idarəetmə, qanun və insan haqlarına hörmət baxımından  öhdəlik götürüb.

Avropa Şurasının Azərbaycanın üzrə həmməruzəçi  Andres Herkel və Avropa Şurasının Parlament Asambleyasının (AŞ PA)Azərbaycan üzrə siyasi məhbuslarla bağlı xüsusi məruzəçisi Kristof Ştrasser də bloqqçuların məhkum olunmaları ilə bağlı öz narahatlıqlarını bildiriblər.

Onlar əlavə edibər ki,  istintaq zamanı qeyri-mütənasib qanuni ittihamlar, şəffaflığın olmaması, qapalı məhkəmə proseslərindən istifadə olunması, və mübahisəyə cəlb olunan digər şəxslərin ittiham olunmaması ölkədə polis və məhkəmə müstəqilliyi  haqqında daha geniş narahatlıqlar yaradır .

Cənab Andres Herkel və Cənab Kristof Ştrasser ədalətli məhkəmə üçün Avropa Standartlarına uyğun beynəlxalq müşahidələrə açıq olan apellyasiya prosesi keçirilməsini təklif edirlər.  Məruzəçilər həmçinin  qeyd ediblər ki onlar Azərbaycanla bağlı hesabatlarında müxalifət yönümlü fəalların və vətəndaş cəmiyyətinin nümayəndələrinin  təqib olunmasına və həbsinə daha böyük yer ayıracaqlar.

 Xatırladaq ki, Emin Milli və Adnan Hacızadə 08 iyul tarixində  axşam saatlarında  dostları ilə Bakıda “Lebonese” (Livan) restoranında yemək yeyərkən qonşu masada onların söhbətini dinləyən idmançı görkəmli iki nəfər təxribatçı hücum edərək, Emin Milli və Adnan Hacızadəni döyərək, onlara xəsarət yetirib. Zərərçəkmiş şəxs qismində şikayət etmələrinə və xəsarət almalarına baxmayaraq, Səbail RPİ onlara xəsarət yetirənləri sərbəst buraxmış və döyülən gənclərin 48 saat müddətinə şübhəli şəxs qismində saxlanmasına qərar vermiş, iyulun 10-da isə Səbail rayon məhkəməsi “xuliqanlıq” maddəsi ilə təqsirləndirilən gənclər barəsində 2 aylıq həbs-qətimkan tədbirinin seçilməsi ilə bağlı qərar çıxarıb.  İyulun 20-də  Apellyasiya məhkəməsi sözügedən qərarı qüvvədə saxlayıb. İstintaq gənclərə qarşı Cinayət Məcəlləsinin 221.1.2 (xuliqanlıq) və 127 (qəsdən bədənə az ağır xəsarət yetirmə) maddələri ilə ittiham irəli sürmüş və Səbail rayon məhkəməsi noyabrın 11-də Emin Millinin 2 il 6 ay, Adnan Hacızadənin isə 2 il müddətinə azadlıqdan məhrum edilməsi barədə hökm çıxarıb


xeberler.az
Oxunub: 1 dəfə

Fikirlər

Heç bir şərh yoxdur
serh yaz

Yazarlar

Fərrux İlhamoğlu

Bizi idarə edən güc: Netokratiya

Bizi idarə edən güc: Netokratiya
Sevil Rəsulzadə

Tor: şəbəkənin nəzarətindən azad olmaq imkanı

Tor: şəbəkənin nəzarətindən azad olmaq imkanı
Günel Azadə

4G mobil texnologiyası niyə ləngiyir?

4G mobil texnologiyası niyə ləngiyir?
Kamran Ədalətoğlu

Rəqəmli yayım: mərkəzdən kənarda yaşayanlar nə etsin?

Rəqəmli yayım: mərkəzdən kənarda yaşayanlar nə etsin?
İsmayıl Rafiqoğlu

Elektron Hökumət: çətinmi, ASAN-mı?

Elektron Hökumət: çətinmi, ASAN-mı?
Bütün yazarlar