İNFORMASİYA VƏ KOMMUNİKASİYA TEXNOLOGİYALARI PORTALI
Bəzi xəbərlər:

SORĞU

Cari ildə İT sahəsində baş verən aşağıdakı hadısələrin hansını daha yaddaqalan və əhəmiyyətli hesab edirsiniz ?
  • "Milli Nüvə Tədqiqatları Mərkəzi"nin yaradılması
  • “Bakutel- 2014” Yubiley sərgisi.
  • “Azersky” peykinin Azərbaycan tərəfinə verilməsi
  • İnformasiya cəmiyyətinin inkişafına dair 2014-2020-ci illər üçün Milli Strategiyanın təsdiq edilməsi
  • Azərbaycanın Beynəlxalq Telekommunikasiya İttifaqı Şurasına üzv seçilməsi
  • “Startup Azərbaycan 2014” və “Startup Günləri” tədbirləri
  • Azərbaycanda yeni nəsil şəxsiyyət vəsiqəsinin tətbiqinə başlanılması
  • Dövlət qurumalrı tərəfidnən göstərilən bütün xidmətlərin Elektron reyestrinin yaradılması
Bütün sorğular

Yazara məktub göndər

Məqalələrinin sayı:

“Azercell” korporativ brendinin yenilənmiş görünüşünü təqdim etdi

17.05.2010 [07:35]

Fontu böyüt:      


Yeni brend Azercell-in Avrasiya regionunda aparıcı mobil operatorlardan ibarət güclü qrupun bir hissəsi olduğunu əks etdirir.

15 may tarixində Azərbaycanın aparıcı mobil operatoru Azercell Telekom MMC özünün korporativ brendinin yenilənmiş görünüşünü təqdim etmişdir. Brendin yenilənməsi Avropada ən böyük telekommunikasiya şirkətlərindən biri olan TeliaSonera adı altında birləşmiş qurumlar hesab edilən Avrasiya regionundakı bir neçə aparıcı mobil operatorun brend mahiyyətinin ahəngdar formaya gətirilməsinə yönəlmiş regional təşəbbüsün bir hissəsidir.

“TeliaSonera Avrasiya”-nın beş şirkəti yeni regional dizayn və ümumi dəyərlərə uyğun olaraq öz brendlərini artıq yeniləyib: “Kcell” Qazaxıstanda (aprel 2009-cu il), “Geocell” Gürcüstanda (may 2009-cu il), “Ncell” Nepalda (mart 2010-cu il), “Tcell” Tacikistanda (mart 2010-cu il) və “Moldcell” Moldovada (aprel 2010-cu il). Media nümayəndələri və qonaqları salamlayan Azercell-in Prezidenti cənab Əli Ağan bildirmişdir: “Avrasiyada yerli səviyyədə özünəməxsusluğu ilə seçilən aparıcı mobil operatorlar qrupunun bir hissəsi olmaqdan güclənən Azercell-in yenilənmiş brendini təqdim etməyə olduqca şadam. Təxminən 14 ildir ki, Azercell ölkəyə ən son texnologiyaları, nou-haunu və qlobal səviyyədə tanınmış istehsalçılardan ən müasir avadanlığı gətirir.

Beləliklə, qlobal miqyasda rəqabətə davamlı dünya standartları əsasında telekommunikasiya infrastrukturunun qurulmasında Azərbaycana yardımçı olaraq bu ölkədə mobil rabitə sənayesinin inkişafında ilk addımlar atan şirkətdir. Azercell Azərbaycanda nəinki innovativ GSM texnologiyalarını, o cümlədən həftənin bütün günləri 24 saat ərzində müştərilərə xidmət, vahid pəncərə və bir çox digər xidmətlər kimi yeni biznes konsepsiyalarını tətbiq edən ilk şirkət oldu.

Biz uşaqlara qayğı, səhiyyə və “beyin axını”nın dayandırılması kimi ən çox diqqəti cəlb edən sahələrdəki bir sıra layihələrin həyata keçirilməsində ölkəyə dəstək vermiş və korporativ öhdəliyi öz üzərinə götürmüş ilk şirkətlərdən biri olduq. Bütün həmin səylər bizə fəaliyyətimizin ilk ilindən başlayaraq bazarda lider mövqeni saxlamaq və dörd milyondan artıq müştərinin etimadını qazanmaq imkanını yaratdı. Azercell-in yeni brendinin təsviri korporativ dəyərlərimizi və Azərbaycana xidmətimizin davam etdirilməsinə sadiqliyimizi əks etdirir. Mən Azərbaycanda şirkətlər, xüsusən də telekommunikasiya sənayesi üçün yaradılmış münbit biznes mühiti və geniş dəstəyə görə Azərbaycan Respublikasının Prezidentinə və hökumətinə öz minnətdarlığımı bildirmək istəyirəm. Əldə etdiyimiz nailiyyətlər və uğurlarımız onların, eləcə də tərəfdaş və müştərilərimizin dəstəyi olmadan mümkünsüz olardı.”

Yenilənmiş brend Azercell-in korporativ dəyərlərini əks etdirir: bazarda lider olmaq, etibarlılığı qorumaq, bazar və istehlakçıların tələblərinə çevik cavab vermək, sosial məsuliyyət və Azərbaycanın ayrılmaz hissəsi olmaq arzusu. Azercell-in yenidən çəkilmiş loqosu tünd bənövşəyi rəngdə olan yüksək texnologiya daşı formasındadır.

Daşın yeni brendin rəmzi kimi seçilməsi Azərbaycanın yerləşdiyi Avrasiya regionunda ölkələrin relyefi və irsindən irəli gəlir. Daş möhkəm yerli kökləri, fəaliyyətin uzun tarixini və Azercell-in Azərbaycanda şəbəkə və xidmətlərinin etibarlılığını əks etdirir. Daş üzərində ağ xətlər bağlantı və Azercell-in xidməti sayəsində bütün nəsil azərbaycanlılar arasında əlaqəni tərənnüm edir.

Mətbuat konfransına qatılan “TeliaSonera Avrasiya”-nın vitse-prezidenti və Qafqaz regionu üzrə rəhbər Halim Ateş bildirmişdir: “Mobil rabitə infrastrukturunun inkişaf etdirilməsi Azərbaycanda bütün insanların yüksək keyfiyyətli, məqbul qiymətlərlə seçilən telekommunikasiya xidmətlərinə çıxışın təmin edilməsinin ən qısa yoludur. Azercell artıq ölkənin ən uzaq bölgələrində yaşayan və telekommunikasiyaya heç vaxt çıxışı olmayan insanlara bu xidmətləri göstərməyə başlayıb. Bizim 2G şəbəkəmiz Azərbaycan əhalisinin 100%-dən bir qədər az qismini əhatə edir və biz müvafiq lisenziyanı aldıqdan dərhal sonra 3G xidmətlərini göstərməyə tam hazırıq. Yeni texnologiyalar, xüsusən də 3G-nin tətbiqi Azərbaycanda telekommunikasiyanın gələcək inkişafı üçün xüsusi əhəmiyyət kəsb edir. Həmin xidmətlər ölkəyə yerli və xarici sərmayələri cəlb edərək, bütün sənaye sahələrində iqtisadi, sosial və ətraf mühit faktorlarını güclü şəkildə təşviq edir və onlara yol açır. Azercell-in idarəedici payçısı olan “TeliaSonera” 2009-cu ilin dekabr ayında İsveç və Norveçin paytaxtlarında, Stokholm və Osloda kommersia xarakterli 4G xidmətləri tətbiq edən dünyanın ilk operatoru oldu. “TeliaSonera”-nın dəstəyi ilə Azercell 3G ilə Azərbaycanın gələcək rifahına sərmayə yatırmağı davam etdirməyə hazırdır.

Azercell-in yeni brendinin mənası Azərbaycanda bizim müasir, yerli, etibarlı və qayğıkeş mobil operator kimi imicimizə dəstək verəcək.”

Yeni brendin bənövşəyi rəngi enerji saçır və ilhamlandırır. O öz müştərilərinə xidmət göstərərkən Azercell-in davamlı olaraq üstün tutduğu yaradıcılıq və sadiqliyi əks etdirir. Bu çalar həmçinin Avrasiya regionunda yeganədir. O “TeliaSonera Avrasiya” qrupunun operatorlarını bazarda aydın şəkildə fərqləndirir və onların özünəməxsusluğunu nümayiş etdirir.

“TeliaSonera Avrasiya”-nın Prezidenti cənab Tero Kivisaari qeyd etmişdir: “Azercell-in Avrasiya regionunda aparıcı mobil operatorlardan ibarət ailəyə mənsubluğunu möhkəmləndirən və Azercell-in uğurlar və bazarda yeniliklər tarixində yeni səhifəni açan brendin təqdimatı münasibətilə burada olmağımdan şərəf hissi duyuram. Azercell ölkənin və vətəndaşların gələcək rifahına töhfə verərək Azərbaycanda telekommunikasiya infrastrukturu və xidmətlərinin inkişaf etdirilməsində mühüm rol oynayır. İnanıram ki, Azercell-in uğurları daim artan əməkdaşlıq və telekommunikasiya sahəsində yüz illik tarixi və təcrübəsi ilə seçilən “TeliaSonera”-nın birmənalı dəstəyi ilə bundan sonra da möhkəmlənəcəkdir. Bu gün təqdim etdiyimiz Azercell-in yenilənmiş brendi Azercell-in yerli özünəməxsusluğu, “TeliaSonera”-nın beynəlxalq təcrübəsi və eskpert bacarıqlarının təkrarolunmaz birləşməsidir.”

38 müştəriyə xidmət və Azercell Express ofisləri, o cümlədən minlərlə satış nöqtəsi bir gecə ərzində öz görünüşünü dəyişib, mayın 15-i səhər öz müştərilərini yeni bənövşəyi dizayn ilə qarşıladı. Azercell-in xidmət mərkəzlərinin təkmilləşdirilmiş dizaynı yüksək texnologiyaya əsaslanan yanaşma, işin rahatlığı və dost mühiti üçün daha yaxşı müştəri təcrübəsini bir araya gətirir.

Çox saylı milli və beynəlxalq mükafatlarla təltif olunan Azercell Azərbaycanda müştəriyə xidmət, məhsullarda yenilik, korporativ məsuliyyət və insanlara sərmayə səviyyəsinin artırılmasına davamlı olaraq sadiqdir. Azercell rəhbərliyinin fikrincə müştərilər gələcəkdə həmçinin Azercell-in işində maraqlı yeniliklərin şahidi olacaqlar.

Bundan əlavə Azercell-in TeliaSonera Avrasiya ailəsinə mənsub olmağı müştərilərə “TeliaSonera”-nın fəaliyyət göstərdiyi ölkələrdə daha aşağı rouminq tariflərindən yararlanmaq imkanını yaradır.

Yeni brendin təqdimatına həsr olunmuş mətbuat konfransının davamı olaraq Azercell şirkəti “Daş – bizi qədimdən bu günə qədər daşıyan vasitədir” mövzusunda yazı müsabiqəsinin qaliblərini də elan etdi. Təxminən iki ay davam edən müsabiqədə ümumi hesabla 75 iştirakçı qeydə alınmış və daşın Azərbaycan mədəniyyəti və tarixindəki rolu haqqında 60-dan çox məqalə dərc olunmuşdur. Qaliblər Azercell-dən dəyərli hədiyyələrlə təltif olunmuşlar.
Azercell haqqında:

Azercell Telekom MMC dövlətin payı ilə 1996-cı ilin yanvarında təsis edilmiş və Azərbaycanda ilk GSM operatoru kimi öz kommersiya fəaliyyətini 1996-cı il dekabrın 15-də başlamışdır. Fəaliyyətin ilk illərindən etibarən Azercell bazarda lider mövqeyini saxlamışdır. Azercell bir sıra innovativ texnologiyaları və konsepsiyaları, o cümlədən GSM texnologiyası, GPRS/EDGE, BlackBerry Solutions, 24 saat ərzində çalışan telefon mərkəzi, müştərilərə həftənin 7 günü ərzində xidmət, Q-matic sistemi, IVR, korporativ müştərilər üçün ayrılmış “call center”, vahid pəncərə konsepsiyası və s.-ni Azərbaycana gətirmişdir. 2006-cı ildən etibarən Azercell MDB ərazisində İnsanlara Sərmayə (Investors in People (IIP) şəhadətnaməsini qazanan ilk şirkətlərdən biri, Azərbaycanda isə birinci oldu.

Azercell-in 2G şəbəkəsi Azərbaycan əhalisinin demək olar ki, 100%-ni və ərazinin təxminən 80%-n əhatə edir. 2010-cu il martın 31-nə olan məlumata əsasən Azercell 4 milyon abunəçisi olan Azərbaycanda bir nömrəli mobil operator hesab olunur.

Azercell haqqında əlavə məlumat üçün bu səhifəyə daxil olun: www.azercell.com
TeliaSonera haqqında:

“TeliaSonera” Nordik və Baltik ölkələrdə, o cümlədən Rusiya, Türkiyə və İspaniyada telekommunikasiya xidmətlərini göstərən şirkətdir. Hazırda “TeliaSonera” əhalisi 460 milyona yaxın olan 20 ölkənin bazarında fəaliyyət göstərir. 2009-cu ildə abunəçilərin sayı təxminən 150 milyona çatmışdır. 2009-cu il üzrə “TeliaSonera”-nın xalis gəlirləri təxminən 14.3 milyard ABŞ dollar təşkil etmiş və təqribən 30 min işçisi var. “TeliaSonera”-nın səhmləri NASDAQ OMX Stokholm və Helsinki birjalarına çıxarılır. 2010-cu ilin aprelinə olan məlumata əsasən şirkətin bazar dəyəri təxminən 31 milyard ABŞ dollara bərabərdir.

“TeliaSonera” insanlara və şirkətlərə rahat, etibarlı və ətraf mühitə zərər vurmayan formada ünsiyyət saxlamağa yardım edən şəbəkəyə çıxış və telekommunikasiya xidmətlərini göstərir. “TeliaSonera” dünya standartlarına uyğun müştəri təcrübəsinə diqqət yetirərək, şəbəkələrimizdə keyfiyyətini təmin edərək və ən yüksək standartlar əsasında struktura nail olaraq dəyər yaradır. “TeliaSonera” qlobal strategiyaya malik beynəlxalq qrupdur, lakin fəaliyyət göstərdiyi istənilən yerdə yerli şirkət kimi çıxış edir.

Avrasiyanın formalaşan bazarlarında, “TeliaSonera” Qazaxıstanın (“Kcell”), Azerbaycanın (“Azercell”), Gürcüstanın (“Geocell”), Moldovanın (“Moldcell”), Tacikistanın (“Tcell”), Özbəkistanın (“Ucell”) və Nepalın (“Ncell”) şirkətdə çoxluq təşkil edən paya malikdir. “TeliaSonera” həmçinin Rusiyanın “Meqafon” və Türkiynənin “Türkcell” şirkətində azlıq paya malikdir. “TeliaSonera” haqqında əlavə məlumat üçün bu səhifəyə daxil olun: www.teliasonera.com

Azercell Telekom MMC Mətbuat Xidməti  Müştəri Xidməti
  

 

 


 


Oxunub: 1 dəfə

Fikirlər

Heç bir şərh yoxdur
serh yaz

Yazarlar

Fərrux İlhamoğlu

Bizi idarə edən güc: Netokratiya

Bizi idarə edən güc: Netokratiya
Sevil Rəsulzadə

Tor: şəbəkənin nəzarətindən azad olmaq imkanı

Tor: şəbəkənin nəzarətindən azad olmaq imkanı
Günel Azadə

4G mobil texnologiyası niyə ləngiyir?

4G mobil texnologiyası niyə ləngiyir?
Kamran Ədalətoğlu

Rəqəmli yayım: mərkəzdən kənarda yaşayanlar nə etsin?

Rəqəmli yayım: mərkəzdən kənarda yaşayanlar nə etsin?
İsmayıl Rafiqoğlu

Elektron Hökumət: çətinmi, ASAN-mı?

Elektron Hökumət: çətinmi, ASAN-mı?
Bütün yazarlar