Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Kibercinayətkarlıqla mübarizə üzrə qurum yaradılacaq

24.11.2009 [20:01]

Fontu böyüt:

Rabitə və İnformasiya Texnologiyaları Nazirliyinin tərkibində kibercinayətkarlıqla mübarizə üzrə qurumun yaradılması nəzərdə tutulur.

RİTN-in hüquq və kadrlar şöbəsinin rəisi Bəxtiyar Məmmədovun APA-ya verdiyi məlumata görə, hazırda bu mexanizmin yaradılması üzərində işlər aparılır.

Onun dediyinə görə, Azərbaycan bu sahə üzrə qanunvericiliyini Avropa Şurası Konvensiyasının tələblərinə uyğunlaşdırmalıdır: “Respublikanın Cinayət Məcəlləsində müvafiq maddələr var ki, kompüter cinayətkarlığının qarşısının alınmasını nəzərdə tutur. Lakin bu, kibercinayətkarlıqda mübarizə üçün çox azdır, ona görə də kibercinayətkarlıq sahəsində beynəlxalq əməkdaşlığın genişləndirilməsi, bu məsələ ilə bağlı məlumat mübadiləsinin aparılması zəruridir”.

Qeyd edək ki, bu sahədə cinayətlərin təhqiqatını aparan Milli Təhlükəsizlik Nazirliyi ilə digər dövlət orqanlarının birgə səyi nəticəsində bir çox kredit kartlardan maliyyə vəsaitlərinin oğurlanması, AZAL informasiya sisteminə müdaxilə halları aşkar olunaraq aradan qaldırılıb.

B.Məmmədovun sözlərinə görə, ölkədə İKT sahəsinin sürətli inkişafı nəticəsində belə halların çoxalması müşahidə oluna bilər: “Avropa Şurasında Avropa konvensiyalarının icrası ilə bağlı problemlərin həlli ilə məşqul olan xüsusi PCW komitəsinin tövsiyələrinə uyğun olaraq İnternet provayderlər ilə hüquq-mühafizə orqanları arasında əməkdaşlıq yaradılmalıdır. Kibercinayətkarlığın qarşısının alınması üçün bu əməkdaşlıq ən doğru zəmindir, çünki onların hər hansının dəstəyi olmadığı halda, qarşıda duran problemlərin öhdəsindən gələ bilməzlər. İnternet provayderlərə bütün kontentlərin nəzarətini həyata keçirmək və filtrasiya sistemlərini tətbiq etmək üçün böyük vəsait tələb olunur, hüquq-mühafizə orqanlarının isə servis provayderlərə məxsus olan texniki dəstəyə ehtiyacı var”.

Beynəlxalq ekspertlərin rəyinə görə, kibercinayətkarlıq internet şəbəkəsində törədildiyindən onun sərhədi yoxdur. Bu səbəbdən ölkələr arasında beynəlxalq səviyyədə məlumat mübadiləsinin və əməkdaşlığın yaradılması və gücləndirməsi vacib məqamlardan biridir.

Xatırladaq ki, Azərbaycan Avropa Şurasının “Kibercinayətkarlıq haqqında” Konvensiyasına qoşulması təşəbbüsü ilə 2005-ci ildə çıxış edib. 30 sentyabr 2009-cu il tarixində Azərbaycan prezidenti İlham Əliyev ölkənin bu konvensiyaya qoşulmasını təsdiq edib.

xeberler.az

Oxunub: 1 dəfə