Bu gün Tbilisidə səkkizinci Cənubi Qafqaz Media Konfransının "Plüralizm və İnternet idarəetmə" mövzusun ilə açılışı olub. Konfransda əsas mövzu internet mediadır
Bu gün Tbilisidə səkkizinci Cənubi Qafqaz Media Konfransının "Plüralizm və İnternet idarəetmə" mövzusun ilə açılışı olub. ATƏT-in təşkilatçılığı ilə keçiriləcək tədbir iki gün davam edəcək.
Tədbirdə ATƏT-in mətbuat azadlığı üzrə nümayəndəsi Dunya Miyatoviç də iştirak edib. O, öz çıxışında bildirib ki, tədbirdə müzakirəyə çıxarılan mövzular hal-hazırda Cənubi Qafqazda media sahəsində ən aktual mövzulardır: "Hər üç Cənubi Qafqaz ölkəsində internet azaddır, lakin dünyada interneti nəzarətə götürmək cəhdləri getdikcə artır. Söhbət ondan getmir ki, hökumətlər interneti tənzimləməlidir, yoxsa yox. Məsələ ondadır ki, internetin məzmunu necə, hansı dərəcədə tənzimlənməlidir və söz azadlığına dost olan alternativ və daha effektiv metodlar varmı?"
Konfransda ATƏT-ə üzv olan ölkələrdə Internet tənzimlənməsi, İnternetdə plüralizmin inkişafı, müstəqil tənzimləyici orqanların rolu kimi məsələlərə nəzərə salınacaq. Lakin xüsusi diqqət Cənubi Qafqazda söz və media azadlığına yönəlib.
Gürcüstan rəsmi dairələrinin nümayəndələri, konfrans iştirakçılarını salamlayaraq, İnternet plüralizminin inkişafı üçün dövlətin səylərini dilə gətiriblər. Lakin, bu məqam gürcü jurnalistlər tərəfindən öz təsdiqini tapmayıb.
Qeyd edək ki, konfransda Gürcüstan, Azərbaycan və Ermənistandan 70-dən çox jurnalist, dövlət məmuru və alim iştirak edir. Əsas müzakirə mövzusu internet mediası və online kütləvi informasiya vasitələrində plüralizm məsələsidir. Tədbir Almaniya, Fransa, Avstriya, Norveç və İsveçrənin maliyyə dəstəyi ilə təşkil olunub.
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
