İNFORMASİYA VƏ KOMMUNİKASİYA TEXNOLOGİYALARI PORTALI
Bəzi xəbərlər:

SORĞU

Cari ildə İT sahəsində baş verən aşağıdakı hadısələrin hansını daha yaddaqalan və əhəmiyyətli hesab edirsiniz ?
  • "Milli Nüvə Tədqiqatları Mərkəzi"nin yaradılması
  • “Bakutel- 2014” Yubiley sərgisi.
  • “Azersky” peykinin Azərbaycan tərəfinə verilməsi
  • İnformasiya cəmiyyətinin inkişafına dair 2014-2020-ci illər üçün Milli Strategiyanın təsdiq edilməsi
  • Azərbaycanın Beynəlxalq Telekommunikasiya İttifaqı Şurasına üzv seçilməsi
  • “Startup Azərbaycan 2014” və “Startup Günləri” tədbirləri
  • Azərbaycanda yeni nəsil şəxsiyyət vəsiqəsinin tətbiqinə başlanılması
  • Dövlət qurumalrı tərəfidnən göstərilən bütün xidmətlərin Elektron reyestrinin yaradılması
Bütün sorğular

Yazara məktub göndər

Məqalələrinin sayı:

Bakıda Yeniyetmələrin VI Beynəlxalq Elm Olimpiadası öz işinə başlayacaq

02.12.2009 [18:52]

Fontu böyüt:      


Sabah Bakıda öz işinə başlayacaq Yeniyetmələrin VI Beynəlxalq Elm Olimpiadasında iştirak üçün 49 ölkədən 600-dən artıq yeniyetmə və onların müəllimləri müraciət edib. Bu barədə Azərbaycan gənclər və idman nazirinin müavini İntiqam Babayevin və Beynəlxalq Elm Olimpiadasının prezidenti Masna Gintinqin keçirdikləri birgə mətbuat konfransında məlumat verilib. İ. Babayev deyib ki, Olimpiada kimya, fizika və biologiya fənləri üzrə keçiriləcək: “Olimpiadanın təşkili ilə bağlı ölkə prezidentinin müvafiq sərəncamı olub. Bu məqsədlə iki komitə - təşkilat və elm komitələri yaradılıb. İndiyədək elm komitəsinin 30-dək iclası keçirilib. Sualların məxfiliyini saxlamaq üçün bütün tədbirlər görülüb. Azərbaycan üzrə Beynəlxalq Elm Olimpiadasına Heydər Əliyev Fondunun prezidenti Mehriban Əliyeva sədrlik edəcək”.

İ. Babayevin sözlərinə görə, sabah Olimpiadanın açılış mərasimindən sonra bütün ölkələrdən gələn müəllimlərin iştirakı ilə qapalı şəraitdə sualların müzakirəsi aparılacaq: “Bu addım ona görə atılır ki, sualların qoyuluşu bütün ölkələr tərəfindən qəbul edilsin. Bundan sonra müxtəlif ölkələrdən olan müəllimlər və tələbələr bir-birlərindən izolyasiya olunacaqlar. Sualların hazırlanmasında iştirak edən alimlərin hamısı ingilisdillidir. Komandaların istəyinə görə suallar tərcümə olunaraq verilə bilər”.

Nazir müavini iştirakçıları müşayiət etmək üçün ingilis dilini bilən 100-ə yaxın könüllüdən ibarət tələbə qrupları yaradıldığını açıqlayıb. Olimpiadada qiymətləndirmə elm komitəsi tərəfindən aparılacaq. Olimpiada zamanı həm testlər, həm sınaqlar təqdim olunacaq. Sınaqlar zamanı istifadə olunan maye Azərbaycanın milli brendləri olan feyxoa və nar şirələrindən hazırlanacaq. Hər fənn üzrə 30 sual veriləcək. Azərbaycanı 15 şagird təmsil edəcək. Onlar müxtəlif təhsil ocaqlarından test üsulu ilə seçilib.

İ. Babayev Azərbaycanın 2004-cü ildən keçirilən beynəlxalq elm olimpiadalarının hamısında iştirak etdiyini söyləyib. Son iki olimpiadada Azərbaycan komandası 6 bürünc medal qazanıb. Nazir müavini bəyan edib ki, Azərbaycan komandası Olimpiadada yüksək yerlər tutarsa, həmin şəxslərin ali məktəblərə imtahandan kənar qəbul edilməsi məsələsi gündəmə gələcək: “Biz artıq bununla bağlı müzakirə aparırıq. Bu, beynəlxalq əhəmiyyətli tədbirdir. Çalışacağıq ki, Olimpiadada qalib gəlmiş şəxslərin imtahandan kənar ali məktəblərə qəbul olunmasını təmin edək”.

Beynəlxalq Elm Olimpiadasının prezidenti Masna Gintinq isə bildirib ki, Azərbaycan Beynəlxalq Elm Olimpiadasına sahiblik edəcək ilk Avropa ölkəsidir. Bundan əvvəlki olimpiadalar İndoneziya, Braziliya, Tayvan və Cənubi Koreyada keçirilib. Gələn il olimpiadanın Nigeriyada, 2011-ci ildə isə Hollandiyada keçiriləcəyi gözlənilir. Bununla da Beynəlxalq Elm Olimpiadası bütün qitələri əhatə edəcək.


xeberler.az
Oxunub: 1 dəfə

Fikirlər

Heç bir şərh yoxdur
serh yaz

Yazarlar

Fərrux İlhamoğlu

Bizi idarə edən güc: Netokratiya

Bizi idarə edən güc: Netokratiya
Sevil Rəsulzadə

Tor: şəbəkənin nəzarətindən azad olmaq imkanı

Tor: şəbəkənin nəzarətindən azad olmaq imkanı
Günel Azadə

4G mobil texnologiyası niyə ləngiyir?

4G mobil texnologiyası niyə ləngiyir?
Kamran Ədalətoğlu

Rəqəmli yayım: mərkəzdən kənarda yaşayanlar nə etsin?

Rəqəmli yayım: mərkəzdən kənarda yaşayanlar nə etsin?
İsmayıl Rafiqoğlu

Elektron Hökumət: çətinmi, ASAN-mı?

Elektron Hökumət: çətinmi, ASAN-mı?
Bütün yazarlar