İNFORMASİYA VƏ KOMMUNİKASİYA TEXNOLOGİYALARI PORTALI
Bəzi xəbərlər:

SORĞU

Cari ildə İT sahəsində baş verən aşağıdakı hadısələrin hansını daha yaddaqalan və əhəmiyyətli hesab edirsiniz ?
  • "Milli Nüvə Tədqiqatları Mərkəzi"nin yaradılması
  • “Bakutel- 2014” Yubiley sərgisi.
  • “Azersky” peykinin Azərbaycan tərəfinə verilməsi
  • İnformasiya cəmiyyətinin inkişafına dair 2014-2020-ci illər üçün Milli Strategiyanın təsdiq edilməsi
  • Azərbaycanın Beynəlxalq Telekommunikasiya İttifaqı Şurasına üzv seçilməsi
  • “Startup Azərbaycan 2014” və “Startup Günləri” tədbirləri
  • Azərbaycanda yeni nəsil şəxsiyyət vəsiqəsinin tətbiqinə başlanılması
  • Dövlət qurumalrı tərəfidnən göstərilən bütün xidmətlərin Elektron reyestrinin yaradılması
Bütün sorğular

Yazara məktub göndər

Məqalələrinin sayı:

İnformasiya Texnologiyalarının İnkişafı Dövlət Fondunun müqavilə formasının layihəsi yaxın bir həftə ərzində təsdiqlənməlidir

19.09.2013 [10:31]

Fontu böyüt:      

Azərbaycan Respublikası Rabitə və İnformasiya Texnologiyaları Nazirliyinin tabeliyində İnformasiya Texnologiyalarının İnkişafı Dövlət Fondu ilə müvəkkil bank arasında fondun vəsaitlərindən istifadə edilməsinin şərtləri haqqında müqavilə formasının layihəsi yaxın bir həftə ərzində təsdiqlənməlidir.
Azərbaycan  Respublikası Rabitə və İnformasiya Texnologiyaları Nazirliyinin tabeliyində İnformasiya Texnologiyalarının İnkişafı Dövlət  Fondu ilə müvəkkil bank arasında fondun vəsaitlərindən  istifadə edilməsinin şərtləri haqqında müqavilə formasının layihəsi yaxın bir həftə ərzində təsdiqlənməlidir.
 
 
“ICTnews” elektron xəbər xidmətinin məlumatına əsasən, bu müddət ərzində Müşahidə Şurasının üzvləri müqavilə forması ilə tanış olaraq rəylərini bildirəcəklər və təklif nəzərə alınaraq müqavilə forması təsdiqlənəcək.
 
Bank müvəkkili ilə bağlanılacaq müqavilə forması layihəsinin ilkin versiyasına əsasən, ildə iki dəfədən az olmayaraq fondun vəsaitlərinin hər bir sahibkarlıq subyekti tərəfindən investisiya layihəsi üzrə istifadə edilməsinin monitorinqi aparılmalıdır. Monitorinqin nəticələrinə əsasən, müvəkkil bank və ya kredit təşkilatı fonda cari yarımillik üzrə növbəti yarımilliyin ilk 10 iş günündən gec olmayaraq hesabat  verməlidir. 
 
Müvəkkil kredit təşkilatı tərəfindən aparılan monitorinqlər zamanı güzəştli kredit vəsaitinin təyinatı üzrə istifadə edilməməsi halları aşkar edildikdə, müvəkkil kredit təşkilatı güzəştli kreditin və hesablanmış faiz borcunun vaxtından əvvəl ödənilməsini sahibkarlıq subyektindən tələb etməlidir. Sahibkarlıq subyektinin öz öhdəliyini yerinə yetirib-yetirməməsindən asılı olmayaraq, müvəkkil kredit təşkilatı 10 bank günü ərzində məhz bu layihə üzrə əsas kredit və hesablanmış faiz borcunu bütövlükdə fondun hesabına köçürməli, belə sahibkarlıq subyektlərinə qarşı qanunvericilikdə nəzərdə tutulmuş tədbirlər görməlidir.
 
 
Sahibkarlıq subyektləri  tərəfindən güzəştli kreditlər, faizlər və digər öhdəliklər üzrə ödənişlərin həyata keçirilməsindən asılı olmayaraq, müvəkkil kredit təşkilatları fond qarşısında öz öhdəliklərini müqavilə şərtlərinə uyğun olaraq yerinə yetirməlidirlər. Ödəniş fondun hesabına daxil olduğu gün müvəkkil kredit təşkilatı öz öhdəliyini yerinə yetirmiş hesab edilir. Kredit vəsaiti yalnız tam istifadə olunduqdan sonra müvəkkil kredit təşkilatı tərəfindən kredit xəttinin istifadə və ya yeni kredit xəttinin açılması üçün müraciət edilə bilər. Müvəkkil kredit təşkilatları fondun vəsaitlərini öz adlarından və öz riskləri hesabına yerləşdirirlər.
 
 
Müvəkkil kredit təşkilatı onun üçün müəyyən edilmiş kredit xətti çərçivəsində 10 bank günündən gec olmayaraq öz biznes maraqları və fondun müəyyən etdiyi minimal tələblər və qiymətləndirmə meyarlarına  uyğun olaraq investisiya layihələrini təhlil etməli və müsbət qiymətləndirdiyi investisiya layihələrinə dair fondun müəyyən etdiyi məlumatları və sənədləri fonda təqdim etməlidir. Layihə mənfi qiymətləndirildikdə sahibkara 3 bank günü müddətində əsaslandırılmış imtina məktubu verilir.
 
 
Müvəkkil kredit təşkilatları vəsaitin köçürülməsinin gecikdirildiyi hər gün üçün köçürülməyən vəsaitin 0,1 % həcmində cərimə ödəməlidirlər, gecikdirmə 30 bank günündən çox olarsa,  fondun Müşahidə Şurası yeni vəsaitlərin ayrılmasını dayandırır  və ya müvəkkil kredit təşkilatının xidmətindən imtina edir.
Yaxın bir həftə ərzində Müşahidə Şurasının üzvləri müqavilə forması ilə tanış olaraq rəylərini bildirməlidirlər. (ictnews.az)
 

Oxunub: 1 dəfə

Fikirlər

Heç bir şərh yoxdur
serh yaz

Yazarlar

Fərrux İlhamoğlu

Bizi idarə edən güc: Netokratiya

Bizi idarə edən güc: Netokratiya
Sevil Rəsulzadə

Tor: şəbəkənin nəzarətindən azad olmaq imkanı

Tor: şəbəkənin nəzarətindən azad olmaq imkanı
Günel Azadə

4G mobil texnologiyası niyə ləngiyir?

4G mobil texnologiyası niyə ləngiyir?
Kamran Ədalətoğlu

Rəqəmli yayım: mərkəzdən kənarda yaşayanlar nə etsin?

Rəqəmli yayım: mərkəzdən kənarda yaşayanlar nə etsin?
İsmayıl Rafiqoğlu

Elektron Hökumət: çətinmi, ASAN-mı?

Elektron Hökumət: çətinmi, ASAN-mı?
Bütün yazarlar