Bu gün Qafqaz Universitetində Startup Azərbaycan layihəsi çərçivəsində universitet rəhbərliyi ilə görüş və universitetin İT sahəsi üzrə müəllim və tələbələri ilə birgə Toplantı keçirilib
Bu gün Qafqaz Universitetində Startup Azərbaycan layihəsi çərçivəsində Universitet rəhbərliyi ilə görüş və Universitetin İT sahəsi üzrə müəllim və tələbələri ilə birgə Toplantı keçirilib.
Görüşdə Qafqaz Universitetinin rektoru Ahmet Sanıç Startup Azərbaycan komandasının üzvlərini qəbul edib. Tədbirdə Universitetin Texnopark müdiri İsa Qasımov və Kompüter Mühəndisliyi departamentinin rəhbəri Abzətddin Adamov, Startup Azərbaycan Təşkilat Komitəsinin üzvləri Osman Gündüz, Ülvi Aslanov və Ayaz Quliyev iştirak ediblər.
Görüşdə Startup Azərbaycan layihəsi haqqında məlumat verilib və gələcək əməkdaşlıq məsələləri ilə bağlı fikir mübadiləsi aparılıb.
Görüşdən dərhal sonra Universitetin tələbə və müəllimlərinin iştirakı ilə geniş Toplantı keçirilib. Təşkilat Komitəsini üzvü Osman Gündüz və Ülvi Aslanov Toplantı iştirakçılarına Startup Azərbaycan layihəsi haqqında geniş məlumat veriblər. Müsabiqədə iştirak qaydaları haqqında, layihələrin qiymətləndirilməsi, investorlarla münasibətlərin qurulması ilə bağlı məlumatlar verilib. Toplantı iştirakçılarını maraqlandıran çoxsaylı suallar cavablandırılıb.
Sonra Toplantı iştirakçılarına konkret bir startup layihəsinin formalaşması, maliyyələşməsi və inkişafı ilə bağlı nümunə təqdim edilib. Multibon layihəsi ilə bağlı Orxan Əhmədov təqdimat edib. O təqdimatında adı çəkilən layihənin ərsəyə gəlməsi, investor tapılması, İnternet bazarındakı yeri və inkişaf perspektivləri ilə bağlı maraqlı məlumatlar təqdim edib. Sonda tədbir iştirakçılarının sualları cavablandırılıb.
Startup Azərbaycan TK bildirir ki, aprelin 20-də Xəzər Universitetində və aprelin 27-də Sumqayıt şəhərində belə Toplantıların keçirilməsi nəzərdə tutulub.
Startup Azərbaycan Layihəsinə Rabitə və İnformasiya Texnologiyaları Nazirliyi dəstək verir.
Startup Azərbaycanın Baş sponsoru Bakcell şirkətidir.
Microsoft, İnfipro şirkətləri də Startup Azərbaycanın sponsorlarıdır.
Geniş məlumat : www.startup.az
Konfransın foto materialları:
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
