Bəzi xəbərlər:

SORĞU

Bütün sorğular

BLOGLAR

21.04.2012 HTC bundan sonra klaviaturalı model çıxarmayacaq
18.04.2012 Samsung və Apple CEO-ları görüşəcək
17.04.2012 .@Azercell də Zero Facebook xidmətini istifadəyə verdi
17.04.2012 Foursquare 20 Milyon istifadəçiyə çatdı
16.04.2012 Samsung Galaxy S3, 3 Mayda tanıdılacaq
13.04.2012 Yenilənən LiveTV.az və online yayımlar.
12.04.2012 "Google Plus" dizaynını dəyişir
11.04.2012 "Azerfon-Vodafone" bağlandı (?)
11.04.2012 GoMap.az bazasında Gürcüstanın elektron xəritəsi yaradılmışdır
11.04.2012 "Chrome OS" yeniləndi

Yazara məktub göndər

Məqalələrinin sayı:

Gəncənin kompüter yaddaşlı qadınları...

22.11.2014 [12:44]

Fontu böyüt:

Gəncənin 109 Məlumat bürosunda gün ərzində azı 500 nəfərə telefon nömrələri ilə bağlı məlumat verilir.

Darısqal otaq, cəmi 3 nəfər işçi və 1 kompüter. Burda gün telefon zənginin səsi ilə başlayır. Gəncənin 109 Məlumat bürosunda gün ərzində azı 500 nəfərə telefon nömrələri ilə bağlı məlumat verilir.

33 ildir hər gün telefon dəstəyinə sarılıb işinin öhdəsindən gəldiyini deyən İntizar Əliyeva danışır ki, soruşulan nömrələrin əksəriyyətini əzbər bilir.

“Bəzən heç düşünmədən, kompüterə baxmadan cavab veririk”

“109 məlumat xidmətində 33 ildir işləyirəm. Səhər saat 9 dan işə başlayırıq, axşam saat 6-ya kimi. Məlumat bürosunun hansı nömrəli telefonu olmasını məlumat veririk. Abonentləri məlumatlandırırıq. Bəzən heç düşünmədən, kompüterə baxmadan cavab veririk. Demək olar ki, adət eləmişik. Gecə yuxulu da olsaq soruşsalar əzbər deyərik”.

Gəncədə ümumilikdə 62 min nömrə tutumu var. Bütün bu nömrələrin məlumatlarının toplusu isə 109 məlumat xidmətində cəmlənir. Sözügedən məlumat xidməti növü 2 ildir ki, abonentlərə ödənişli olaraq xidmət edir. İntizar Əliyeva deyir ki, ödənişli xidmətə keçid müraciət edən abonentlərin sayını azaldıb. Elə işlərini də bir az asanlaşdırıb:

Ödənişli xidmət müraciət edənlərin sayini azaldib...

“Gün ərzində azı 500 nömrənin məlumatını veririk. Əvvəllər ödənişsiz olanda günə 9 min nəfərə cavab verirdik. Ödənişdən sonra bir az azalıb. Bəlkə bizdən də az-az hallarda narazı qalanlar olur. Əhali ilə işləmək çətindir. Dar hövsələli adamlar da olur. Amma çalışırıq hamı razı qalsın. Hamının nazını çəkirik, işimiz budur”.

Təcrübəli işçi yaxşı məlumatçı olmağın sirlərindən də danışır:

“Yaxşı məlumat bürosu olmaq üçün diqqətli olmaq və yaxşı yaddaşa sahib olmaq lazımdır. Psixoloq olmaq lazımdır ki, onları idarə edə biləsən, bununla necə danışasan. Nömrələr dəyişəndə də 3 günə tapıb dəyişirik”.

Məlumat almaq istəyənlərin sayı çox olsa da, onların sayı cəmi 3 nəfərdir. Digər məlumatçı Rəna Məmmədova da deyir ki, əziyyətlərinə uyğun olmasa da dolana bilirlər:

“Bütün nömrələrin 80 faizini əzbər bilirəm”

“Məlumat bürosunun 2 nömrəli işçisiyəm. 27 ildir işləyirəm. Bütün nömrələrin 80 faizini əzbər bilirəm. Bilmədiyimizi də kompüterə baxırıq. Öyrənmişik, əzbər bilirik deyə, asandır. Əmək haqqımız normaldır, nə çoxdur, nə az, dolanırıq”.

109 məlumat xidməti son illər həm də borcunu uzun müddət gecikdirən abonentləri ödənişə cəlb etməklə bağlı fəaliyyət də göstərir. Həmin abonentlərin qonşu nömrələrinə xəbərdarlıq edərək məlumat toplayırlar:

“Borclu olan abonentlərin siyahısını bizə göndərirlər, biz ünvanla qonşularla əlaqə saxlayırıq. Həmin abonent orda yaşayırmı, yaşayırsa borcla bağlı məlumatlandırılırlar”.

109 xidməti əvəzinə dost-taniş...

Gəncədəki abonentlər də danışırlar ki, sistem ödənişliyə keçəndən sonra məlumat xidmətinə daha az müraciət edirlər. Sevinc Məmmədova deyir ki, əlavə ödəniş etməmək üçün gərəkli nömrələri dost tanışdan öyrənməyə çalışır.

“Əvvəllər pensiya vaxtı 109-a zəng edib məlumat öyrənirdim. Amma pullu olandan sonra elə dost tanışdan maraqlanıram”.

Mənbə: azadliq.org

Oxunub: 1 dəfə