AMEA İnformasiya Texnologiyaları İnstitutunda dünyanın ən böyük elmi bazalarından olan Elseiver-in Türkiyə, İran və Orta Asiya ölkələri üzrə regional direktoru Tayfun Basal və meneceri Ayhan Saracoğlu ilə görüş keçirildi. ict.az-ın verdiyi məlumata görə məqsəd Azərbaycan elminin dünya elminə inteqrasiyasında mühüm rol oynayan elmi məqalələrin dünyanın nüfuzlu, yüksək indeksli jurnallarında dərcinin təşkili və əməkdaşlıq əlaqələrinin müzakirəsi idi.
AMEA İnformasiya Texnologiyaları İnstitutunda dünyanın ən böyük elmi bazalarından olan Elseiver-in Türkiyə, İran və Orta Asiya ölkələri üzrə regional direktoru Tayfun Basal və meneceri Ayhan Saracoğlu ilə görüş keçirildi. Məqsəd Azərbaycan elminin dünya elminə inteqrasiyasında mühüm rol oynayan elmi məqalələrin dünyanın nüfuzlu, yüksək indeksli jurnallarında dərcinin təşkili və əməkdaşlıq əlaqələrinin müzakirəsi idi.
Öncə T.Basal Elseiver-in təklif etdiyi xidmətlər haqqında qısa məlumat verdi. Elmi tədqiqatçılar üçün dəyərli informasiya mənbəyi olan bu kimi bazaların digər elmi bazalarla müqayisədə üstünlüklərindən, yaratdığı geniş imkanlardan söhbət açdı. Bildirdi ki, bu işlərin yüksək səviyyədə təşkili Azərbaycan alimlərinin fəaliyyətinin, aparılan elmi tədqiqatların dünya elmi ictimaiyyətində tanınması baxımından mühüm əhəmiyyət kəsb edir. “Hədəfimiz Azərbaycanın elm və təhsil müəssisələrinin Elseiver-in xidmətlərindən daha səmərəli istifadəsini təmin etməkdir” deyən qonaq ölkəmizdə bu elmi bazanın təcrübəsinin öyrənilməsi və onun imkanlarından istifadənin zəruriliyindən danışdı. Sözügedən nəşrlərdə məqalələrə qoyulan tələblərin öyrənilməsi məqsədilə treninq və seminarların keçirilməsinin vacibliyini nəzərə çatdırdı.
Görüşdə həmçinin iki qurum arasında əməkdaşlıq üzrə fəaliyyət planına dair müzakirələr aparıldı, işçi qrupun yaradılması və Anlaşma Memorandumu üçün hazırlıq işlərinin görülməsi qərara alındı.
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
