İNFORMASİYA VƏ KOMMUNİKASİYA TEXNOLOGİYALARI PORTALI
Bəzi xəbərlər:

SORĞU

Cari ildə İT sahəsində baş verən aşağıdakı hadısələrin hansını daha yaddaqalan və əhəmiyyətli hesab edirsiniz ?
  • "Milli Nüvə Tədqiqatları Mərkəzi"nin yaradılması
  • “Bakutel- 2014” Yubiley sərgisi.
  • “Azersky” peykinin Azərbaycan tərəfinə verilməsi
  • İnformasiya cəmiyyətinin inkişafına dair 2014-2020-ci illər üçün Milli Strategiyanın təsdiq edilməsi
  • Azərbaycanın Beynəlxalq Telekommunikasiya İttifaqı Şurasına üzv seçilməsi
  • “Startup Azərbaycan 2014” və “Startup Günləri” tədbirləri
  • Azərbaycanda yeni nəsil şəxsiyyət vəsiqəsinin tətbiqinə başlanılması
  • Dövlət qurumalrı tərəfidnən göstərilən bütün xidmətlərin Elektron reyestrinin yaradılması
Bütün sorğular

Yazara məktub göndər

Məqalələrinin sayı:

MTRŞ-nin telekanalları cəzalandırması mümkündürmü?

16.11.2009 [17:15]

Fontu böyüt:      

Milli Televiziya və Radio Şurasının (MTRŞ) sədri Nuşirəvan Məhərrəmli telekanallarda şou proqramlarla bağlı vəziyyətin son günlər yenidən əvvəlki duruma qayıtdığını bildirib. Sədr bu səbəbdən də inzibati metodlara əl atmağa məcbur olduqlarını deyib.

Zeynal Məmmədli: “Qurum yaradıcılıq müstəvisinə müdaxilə edə bilməz”

Xəbər verdiyimiz kimi, Milli Televiziya və Radio Şurasının (MTRŞ) sədri Nuşirəvan Məhərrəmli telekanallarda şou proqramlarla bağlı vəziyyətin son günlər yenidən əvvəlki duruma qayıtdığını bildirib. Sədr bu səbəbdən də inzibati metodlara əl atmağa məcbur olduqlarını deyib. Onun sözlərinə görə, əgər şura inzibati metodlara əl atsa, telekanallar bundan zərər çəkəcək.

“Mən bununla onları qorxutmaq istəmirəm. Hələ ki, kanallara tövsiyələr verilir. Əgər şou proqramlarla bağlı vəziyyət belə davam eləsə, telekanallara elə zərbə dəyə bilər ki, həmin proqramlardan əldə etdikləri gəlirlər də heç olar. ”Televiziya və radio yayımı haqqında\\ qanundakı müəyyən maddələri tətbiq etsək, telekanalların vəziyyəti o qədər də yaxşı olmaz. Bu məsələ artıq şurada müzakirə olunur\\.
Maraqlıdır, sözügedən qurum belə bir addım ata bilərmi? Qanunvericilik buna imkan verirmi?
Media mütəxəssisi Zeynal Məmmədli bildirdi ki, bu açıqlama ilə bağlı bir neçə versiya səsləndirmək olar. Onun sözlərinə görə, ilkin variant MTRŞ-nin həqiqətən də nəsə etmək, bəzi şeyləri düzəltmək istəməsi, amma televiziya sahiblərindən çəkinməsidir. İkinci variant isə qurum rəhbərliyinin telekanalları cəzalandırmaq hüququnun olmadığını bilməsidir: “Qanunla bu qurum televiziyaların yaradıcılıq müstəvisinə müdaxilə edə bilməz. Onlar qanundan kənara çıxsalar, cəzalandırma baş verə bilər. Yəni dövlət sirrini yaysalar, müharibə təbliğatı ilə məşğul olsalar, şuranın ixtiyarı çatır ki, onları cəzalandırsın. Əks halda isə yaradıcılıq məkanında qeyri-professional müdaxilə gerçəkləşdirmiş sayılır ki, buna da ixtiyarı yoxdur”.

Bütün hallarda, reallıqlar və mənzərə MTRŞ-ın telekanalları cəzalandıra bilməyəcyini göstərir. Belədirsə, N.Məhərrəmlinin açıqlaması nəyə hesablanıb? Z.Məmmədlinin fikrincə, ortada çətin situasiya var. Müsahibimiz telekanalların tam nəzarətdə olduğunu və sözügedən açlqlamanın da onlara nəzarət edən şəxslərin eşitməsi üçün nəzərdə tutulduğunu düşünür: “Ən ağlabatan versiya isə elektron media ilə bağlı daha sərt mexanizmlərin tətbiq olunacağıdır. Halbuki təzyiq nəticəsində telekanallar daha çox səhvə yol verə bilərlər. Futbol komandasının baş məşqçisi futbolçuları nə qədər çox danlayırsa, onlarla nə qədər kobud rəftar edirsə, futbolçular bir o qədər pis oynayırlar”.

Z.Məmmədli sonda onu da dedi ki, yaranmış situasiya ilə bağlı ən ağlabatan izahat isə görüntü yaratma cəhdidir. Müsahibimizin sözlərinə görə, ictimaiyyətdə televiziyalarla bağlı narazılıqların, gərginliyin çox olduğunu görən hakimiyyət “gəlin imitasiya edək ki, nəsə edirik” taktikasını yeridir. Ekspert hesab edir ki, əks halda bu tənqidlərin bir nəticəsi olmalıydı.
// http://musavat.com


xeberler.az
Oxunub: 1 dəfə

Fikirlər

Heç bir şərh yoxdur
serh yaz

Yazarlar

Fərrux İlhamoğlu

Bizi idarə edən güc: Netokratiya

Bizi idarə edən güc: Netokratiya
Sevil Rəsulzadə

Tor: şəbəkənin nəzarətindən azad olmaq imkanı

Tor: şəbəkənin nəzarətindən azad olmaq imkanı
Günel Azadə

4G mobil texnologiyası niyə ləngiyir?

4G mobil texnologiyası niyə ləngiyir?
Kamran Ədalətoğlu

Rəqəmli yayım: mərkəzdən kənarda yaşayanlar nə etsin?

Rəqəmli yayım: mərkəzdən kənarda yaşayanlar nə etsin?
İsmayıl Rafiqoğlu

Elektron Hökumət: çətinmi, ASAN-mı?

Elektron Hökumət: çətinmi, ASAN-mı?
Bütün yazarlar