20 aprel 2024
İNFORMASİYA VƏ KOMMUNİKASİYA TEXNOLOGİYALARI PORTALI
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq18.04.2012
Samsung və Apple CEO-ları görüşəcək17.04.2012
.@Azercell də Zero Facebook xidmətini istifadəyə verdi17.04.2012
Foursquare 20 Milyon istifadəçiyə çatdı16.04.2012
Samsung Galaxy S3, 3 Mayda tanıdılacaq13.04.2012
Yenilənən LiveTV.az və online yayımlar.12.04.2012
"Google Plus" dizaynını dəyişir11.04.2012
"Azerfon-Vodafone" bağlandı (?)11.04.2012
GoMap.az bazasında Gürcüstanın elektron xəritəsi yaradılmışdır11.04.2012
"Chrome OS" yeniləndi
Fontu böyüt:
YazYay məktəbi
AEGEE-Bakı Avropa Tələbələr Forumu tərəfindən Soros fondunun dəstəyi ilə 4-6 iyun tarixlərində Bakı Jurnalistika məktəbində keçirilən YazYay təlimi yekunlaşdı. Təlimdə 18 gənc iştirak edirdi. Məqsəd bloq yaratmaq və yazmaq istəyən, lakin bunun yollarını bilməyən, internetdən səmərəli istifadə etməyi öyrənməyi arzulayan gəncləri, tələbələri, gənc jurnalistləri maarifləndirmək idi.
YazYay haqqında ətraflı məlumat almaq məqsədilə layihənin təlimçisi, blogger İlqar Mirzəylə əlaqə saxladıq: “YazYay Məktəbi gənclərin İnternet və texnologiya bacarıqlarını artırmaq üçün yaradılmış bir layihədir. Bu layihə çərçivəsində bloqlarla, sənədli foto ilə, İnternet PR-ı ilə bağlı təlimlər keçirilir. Bu dəfəki qrup sayca 6-cı sinifimiz idi. Bloqçuluğun əsaslarına həsr olunmuş bu təlimə çox maraqlı, fərqli və istedadlı iştirakçılar seçilmişdi. Təbii ki, aralarında gələcəkdə məşhur bloqçu olmağa namizəd uşaqlar var idi. Ümumilikdə, təlim çox maraqlı keçdi.”
“Müddətin qısa olması məni məyus etdi.”
Təbii ki, təlimi maraqlı və rəngarəng edən iştirakçılar olur. Biz də həmin iştirakçılardan bir neçəsinin fikirini öyrəndik.
Təlim müddətində ən aktiv iştirakçılardan olan Rüfət Əhmədzadə məmnun görünürdü: “Çoxdandır mətbuatda işləməyimə baxmayaraq, fərdi bloqa sahib deyildim. Ümumiyyətlə, bloqçuluq haqqında anlayışım yox idi. Aprel ayının sonlarında özümə bədii-publisistik yaradıcılğımın daha geniş və topluca təqdim edilməsi məqsədi ilə, primitiv bir bloq açdım və yazılarımı yerləşdirdim. Bir ay ərzində xeyli ziyarətçi yığa bilsəm də, bloqumun quruluşu və yazılarımın forması ilə əlaqədar çox iradlar eşitdim.
Öz bilgilərimin zəif olması və mütəxəssis tanışımın olmaması məni çıxılmaz duruma salmışdı. Həvəskar bloqqerlər üçün Yaz-Yay məktəbi təlimlərinin başladığını biləndə çox sevindim. Müraciət etdim, qəbul oldum və təbii ki, iştirak edərək bloqçuluq bilgilərimi nisbətən təkmilləşdirdim. Amma, müddətin qısa olması məni məyus etdi. Ümidvaram, təkrar olaraq təkmilləşdirmə treninqləri təşkil olunar və mən də sevə-sevə bu treninqlərdə iştirak edərəm.”
Təlimin digər iştirakçısı Rövşən Nəsirli isə təlimdə praktikaya üstünlük verilmədiyini bildirdi: “Birincisi deyim ki, belə təlimlərin keçirilməyi müsbət haldır. Ama mən bu təlimdən pratik nəsə gözləyirdim. Təəsüf ki, gözlədiylərimin şahidi olmadım. Təlimin nəzəri tərəfi çox ağır oldu. Orda deyilən bir çox şeyi mən də bilirdim, yəni ki, yenilik olmadı. Həm də otaqda kondisionerin işləməməsi və komputerlərin zəifliyi məni məyus etdi.”
Rövşəndən fərqli olaraq Aygül Salahova hər şeydən razı idi : “YazYay mənə əslində çox şeyin istəyərək əldə oluna biləcəyini göstərdi. Az vaxtda çox iş görməyin mümkün olduğunu, qrupla işləmək bacarıqlarını, rahat sosiallaşmağı, əslində yalnız gənclərin bilikləriylə də cəmiyyətin inkişafının mümkün ola biləcəyini öyrətdi. Bundan əlavə, hamı üçün lazımi şərait var idi. Hər gün 7-8 saat təlimdə olmağımıza baxmayaraq, özümüzü çox rahat hiss edirdik. Təşkilatçılıq da yaxşı bölüünmüşdü. Hamının problemlərini maksimum tez həll etməkdə ustalaşmışdılar. Bir sözlə hər şeydən razı qaldım.”
YazYay təlimi Xanım Ağazadənin həyatında dərin iz qoyub. Bu təlimin sayəsində Xanım həyatında ikinci dəfə qab yuyub “Bu təlimdə heç olmasa bloq açmağı öyrəndim. Amma təlim səhər 10-da başlamasaydı daha yaxşı olardı. Hətta nəzəriyyə zamanı mən “uje” yuxu görürdüm. Mənim xoşuma ən çox oyunlar, əyləncələr gəldi. Yeməklər də pis deyildi. Həyatımda ikinci dəfə olaraq qab yudum. Ona görə də bu təlimin həyatımda iz qoyduğunu deyə bilərəm. Bu təlimin sayəsində Facebookda dost siyahım 14-15 nəfər artdı. Burada hər tip insan var idi: birinci kursda oxuyan rokker, demokratiya carçısı, “İreli”çi gənc, ağır təbiətli, rus dilli ağsaqqal, hamını güldürən romantik şair. Amma hamımızın bir məqsədi var idi deyə, hər şey normasında idi.
Təlimin digər iştirakçısı Murad Əhmədoğlu isə təlimdəki tanışlıqdan danışdı: “YazYay təlimində bir çox insanları tanıdım. Onlarla Facebookda danışsaq da, əyani görüşməmişdik. Hətta, elə iştirakçı var idi ki, onunla eyni fakultədə oxumağımıza baxmayaraq ilk dəfə olaraq məhz YazYayda gördüm. İştirakçıların əksəriyyəti yaşca məndən böyük idi. Və mən bu 3 gün ərzində onlardan nəsə öyrənməyə çalışdım. Təlimdə öyrəndiklərimi həyatda tətbiq etməyə çalışacam.”
Son söz əvəzi
Sonda qeyd edək ki, sertifikat almaq istəyən iştirakçılara ev tapşırığı verilib. Onlar təlimdə öyrəndiklərini tapşırıqda tətbiq etməlidirlər.
İstənilən halda belə təlimlərin keçirilməyi müsbət haldır. Heç şübhəsiz ki, bu tipli təlimlərin sayəsində Azərbaycanda bloqçuluq daha da inkişaf edəcək və kütləviləşəcək.
© 2008-2010 Xeberler.az
labrin
