Startup Azərbaycan Təşkilat Komitəsi bildirir ki Startup Günlərinin açılışı bu gün,7 noyabr tarixdə saat 14.00-da Park İnn Hotelində olacaq. Startup Günləri 3 gün davam edəcək.
Startup Azərbaycan Təşkilat Komitəsi bildirir ki bu gün Park İnn Hotelində Startup Günlərinin açılışı olacaq.
Startup Günləri 3 gün davam edəcək.
Startup Günlərinin keçirilməsində məqsəd “İKT İli” elan olunan cari ildə ölkədə milli startup infrastrukturun inkişafına təkan vermək, yeni startupların yaradılmasına kömək etmək və bu istiqamətdə onlara informasiya-metodiki dəstək vermək, startupçılar arasında əlaqələri gücləndirmək və yeni yaradılan qurumların - İT-nin İnkişafı Dövlət Fondunun və Yüksək Texnologiyalar Parkının imkanları haqqında startupçıları məlumatlandırmaqdan ibarətdir.
Startup Günləri çərçivəsində “Milli Startup infrastrukturun formalaşması və investisiya mənbələri” mövzusunda Konfrans keçirilməsi, gənc və yeni başlayan startupçılar üçün Təlimlərin keçirilməsi, innovativ biznes ideyaların və yeni İnternet layihələrinin ilkin variantlarının yarışmasını təşkil etmək, gənc və yeni başlayan startupçıların fəaliyyətdə olan yerli startup sahibləri ilə görüşlərini keçirmək nəzərdə tutulub.
Startup Günlərində startupçılar innovativ biznes ideyalar ətrafında Komandalar formalaşdıracaq, mentorların və ekspertlərin köməyi yeni startup Layihələrinin ilkin variantlarını hazırlayacaqlar.
Yekunda bu Layihələrin təqdimatları və yarışması təşkil olunacaq və peşəkar münsiflər Heyəti tərəfindən qiymətləndiriləcək.
Qaliblərə və fərqlənənlərə təşkilatçıların və sponsorların, həmçinin GoldenPay, Cybernet və Multibon şirkətlərinin qiymətli hədiyyələri, diplomlar və sertifikatlar təqdim olunacaq.
Startup Günlərinə Rabitə və İnformasiya Texnologiyaları nazirliyi, Yüksək Texnologiyalar Parkı və İnfipro dəstək verir.
Startup Günlərinin Baş sponsoru Bakcell şirkətidir.
Geniş məlumat : www.startupdays.startup.az
İNFORMASİYA VƏ KOMMUNİKASİYA TEXNOLOGİYALARI PORTALI
21.04.2012
HTC bundan sonra klaviaturalı model çıxarmayacaq
